Dil-e-Mohabbat

Mujhe kya pata tha ke tu bewafa tha
tere dil se dil hum lagate nahi,

Ye fitrat hai teri agar jaan jate
to tujhko khuda hum banate nahi,

Bhul baitha tha mai sab mohabbat mei teri
tujhe mujhe jaanne ki fursat kaha thi,

Agar hosh mujhko zara sa bhi rahta

to apni hi duniya ko berang banate nahi,

Khatm ho chuka hai ab to ye khel tamasha
tujhe jankar ye jana hai maine,

Ke zara bhi yakin  agar ho kisi par
to Dil-e-Mohabbat ko daaun pe lagate nahi....

 

Ab Loat Na Payenge

Chale aao ke ab tumse hum alvida kahte hai,
Muskil mei hai shaanse ke ab tumse hum alvida kahte hai,

Laga ke gale ro lo aaj ke ab tumse hum alvida kahte hai,
Yaad rakhna un beete lamho ko ke ab tumse hum alvida kahte hai,

Kar dena muaf hamari khataaon ko ke ab tumse hum alvida kahte hai,
Chale aao ke ab tumse hum alvida kahte hai....

Khwab

En aankhon ko khwaab sajaane diya to hota
fir chahe tod dete to kuchh aur baat hoti,

Humei manzil tak pahuchne diya to hota
fir chahe chhod dete to kuchh aur baat hoti,

Jo manga tha humnei tumse wo diya to hota
fir chahe chheen lete to kuchh aur baat hoti,

En aankhon ko muskrane ka moaqa to diya hota
fir chahe sailaab dete to kuchh aur baat hoti......